Çfarë thonë shijet tona muzikore për karakterin!!

Të dashuruarit mbas muzikës Heavy-Metal kanë karakter të butë, ata mbas muzikës Pop janë jo shumë kreative, ndërsa të dashuruarit mbas muzikës Funk janë paksa dembela. Këto janë rezultatet e një studimi online 3 vjeçar, të kryer në universitetin Heriot-Watt në Edinburgh, studim që kërkon të nxjerrë në pah lidhjen midis karakterit të njeriut dhe shijeve të tij muzikore.
Rreth 36 000 njerëz nga vende të ndryshme, të moshave të ndryshme, kanë marrë pjesë në këtë studim. Në homepage të studimit, www.peopleintomusic.com, gjendet nje pyetësor që mund të plotësohet nga çdokush. Në të të kërkohet të vlerësosh rryma të ndryshme muzikore, por edhe sjellje të njeriut.
Profesori i psikologjisë Adrian North, udhëheqësi i studimit, është i mendimit se ky studim arrin të provojë atë që, sipas tij, ishte dyshuar prej kohësh: ekziston një lidhje e ngushtë midis karakterit të njeriut dhe shijeve të tij muzikore. Megjithë sigurinë e profesorit, pas mbushjes së pyetësorit, për mua ngelet shumë kurioz fakti se si ky pyetësor, relativisht i shkurtër, me pyetje relativisht sipërfaqësore, arrin të dalë në konkluzione për tipare të tilla si kreativiteti apo hapja ndaj eksperiencave të reja.
Pavarësisht dyshimeve, rezultatet të argëtojnë dhe çudisin. Të dashuruarit mbas muzikës Rap janë njerëz jo shumë të hapur, kurse të dashuruarit mbas muzikës Country janë njerëz shumë punëtorë. Por, çudine më të madhe e shkakton ngjashmëria e karakterit midis të dashuruarve mbas muzikës Heavy Metal dhe atyre mbas muzikës klasike: të dy palët janë kreative, shumë të kënaqur me vetëveten dhe jo shumë të hapur ndaj eksperiencave të reja.
Megjithë rrymat e ndryshme muzikore që janë përfshirë në pyetësor, në të nuk gjendet muzika popullore, apo variacione të saj si Turbo-Folku. Për konsumues të mëdhenj të kësaj rryme, siç jemi ne shqiptarët dhe Ballkani në përgjithësi, ngelet një mister domethënia e konsumimit te kesaj lloj muzike për karakterin tonë. Ndoshta duhet sygjeruar.

he praa maj saree,kushediii!!!! Shocked

duhet me ja sugjeruu!!! Razz

:P

» Dasme shqiptare nga kohet e vjetra,ne ditet tona...!!!
» Rryma muzikore e preferuar
» YJET E BOTËS MUZIKORE VDESIN TË RINJ
» MUZIKA POP - INDUSTRIA MUZIKORE ISHTE NERVOZE GJATË VITIT 2007
» Me pelqen... cfare?